|
Ամբերդ միջնադարյան բերդաքաղաքն ու ամրոցը գտնվում են Արագած լեռան բարձունքներում: Կառուցվել է Xդ. պատմական Արագածոտնի գավառում` Բյուրական գյուղից 7կմ հյուսիս` 2300մ բարձրության վրա։ Ամբերդը իր նշանակությունը կորցրեց թուրք-թաթարական արշավանքներից հետո և ամայացավ Լենկթեմուրի օրոք` XIVդ. վերջերին։ Պահպանվել են Ամբերդի դղյակի և բերդապարիսպների ավերակները, եկեղեցին, բաղնիքը և մի քանի այլ կառույցների մնացորդներ։
Ամբերդի Սուրբ Աստվածածին եկեղեցին կառուցել է Վահրամ Պահլավունին 1026թ։ Առաջին եկեղեցիներից է, որոնք խաչթևերի չորս անկյուններում ունեն կրկնահարկ ավանդատներ։